ფილარმონიის შენობის ფუნდამენტური განახლების დაწყებამდე, Starring Georgia-ს პროექტების ხელმძღვანელი, ციცი იაშვილი გვიყვება თუ რამდენად საპასუხისმგებლოა ქვეყნის ერთ-ერთ ყველაზე მნიშვნელოვან კულტურულ ძეგლზე მუშაობის პროცესი.

როდესაც შავი ზღვის რეგიონებზე ფიქრობთ, გონებაში მაშინვე მოდის შესანიშნავი სანაპიროები, სტუმართმოყვარე მასპინძლები და ტურისტული ატმოსფერო. თუმცა, რამდენიმე წლის წინ რთული იქნებოდა წარმოდგენა, რომ ეს ადგილები პასიური დასვენების ლოკაციებიდან ახალი კულტურული ცვლილებების კერებად გადაიქცეოდა. ქართულ რეალობაში ეს პროცესი უკვე დაწყებულია და შეიძლება ითქვას, შეუქცევადად მიმდინარეობს. ამ პროცესის ყველა ელემენტს კი ერთი სახელი აერთიანებს - Starring Georgia.

წარმოიდგინეთ შავი ზღვის სანაპირო, მცხუნვარე მზე, ცხელი ქვიშა, ზღვის ტალღების ხმა... ერთი შეხედვით, ყველაფერია იმისთვის, რომ სრულიად მოწყდე რეალობას და მშვიდად დაისვენო, მაგრამ სწორედ აქ იცვლება ბევრი რამ.