ფილარმონია

ფილარმონია დაარსების დღიდან იყო კულტურული ცენტრი, რომლის სცენაზეც ქვეყნის ყველაზე მნიშვნელოვანი მუსიკალური და კულტურული ისტორია იწერებოდა. ეს ისტორია სავსეა საამაყო ფურცლებით, უდიდესი კულტურული მემკვიდრეობით და ბევრი მოგონებით. თუმცა, დღესდღეობით ფილარმონიის კარები საზოგადოებისთვის დახურულია, რათა ძალიან მალე უფრო ფართოდ გაიღოს და მიეგებოს ახალ კულტურულ ტალღებს. მისი უნიკალური წარსული კი მყარი ფუნდამენტია იმ მომავლისთვის, რომელიც წინ გველოდება.

სანამ ახალ ისტორიას შევქმნით აუცილებელია ძველის გახსენება და პატივის მიგება, რისთვისაც Starring Georgia-მ ახალი პროექტი “ფილარმონია • დროის კადრები” დააინიცირა. პროექტის ფარგლებში, იმ 50 წლიანი ისტორიისა და კულტურული მემკვიდრეობის გაციფრულება იგეგმება, რამაც ფილარმონიის სული შექმნა და დღემდე შეინარჩუნა.