ციცი იაშვილის გასართობ ინდუსტრიაში მუშაობის გამოცდილება უკვე 20 წელს ითვლის. მის სახელთან არის დაკავშირებული არაერთი მასშტაბური არტისტის ჩამოყვანა, ჯერ კიდევ მაშინ, როდესაც საქართველოში მუსიკალური ინდუსტრია პირველ ნაბიჯებს დგამდა. სანამ Black Sea Arena-ს პროექტების ხელმძღვანელი გახდებოდა ქვეყნის არაერთი მნიშვნელოვანი ფესტივალისა თუ ღონისძიების სულისჩამდგმელი იყო, რომლებიც საქართველოში პირველად განხორციელდა და ერთგვარ რევოლუციურ ხასიათს ატარებდა. ციცი იაშვილი Black Sea Arena-ს პროექტების ხელმძღვანელად 2019 წელს დაინიშნა და Starring Georgia-ს პროექტის ერთ-ერთი მთავარი ინიციატორი გახდა. ციცი იაშვილის სახელთან არის დაკავშირებული Starring Georgia-ს ეკოსისტემის სხვა მნიშვნელოვანი პროექტების ინიცირებაც, როგორებიცაა: სოციალური სივრცე, ჰორიზონტი და ჰეკატეს ბაღი.

ნოდარ ტრაპაიძე ქართული მუსიკალური ინდუსტრიის ერთ-ერთი პროფესიონალი კადრია არტისტების მენეჯმენტში, რომელიც Starring Georgia-ს გუნდს 2023 წელს შემოუერთდა. ამ ხნის მანძილზე დაგროვებული გამოცდილებით იგი გუნდის მნიშვნელოვანი წევრი გახდა, რომელიც ახალგაზრდული ენერგიით და თანამედროვე იდეებით მუდმივად სიახლეებით ავსებს ჩვენს თითოეულ პროექტს.