ამ დროს ძალიან იშვიათად შეხვდებოდით კოშკს, რომელიც საბრძოლო დანიშნულებას არ ატარებდა და მისი მთავარი მიზანი ლხინის გამართვა იყო. სახელი „სალხინოც“ სწორედ აქედან მოდის. დაცული წარწერების მიხედვით, 1811 წელს აშენებული ვაშლოვნის კოშკის ქტიტორად გვევლინება რუსეთის არმიის გენერალ-მაიორი თამაზ ორბელიანი, ხუროთმოძღვრად — ვინმე ოსტატი გიორგი.

იცოდით თუ არა, რომ...

1. გეგმით, მრგვალი კოშკი რიყის ქვითა და აგურითაა აშენებული და სათოფურებითაა აღჭურვილი. შემორჩენილია 3 სართული, ყოველ მათგანში თითო ოთახია.

2. ვაშლოვანის კოშკს 2006 წლის 7 ნოემბერს, საქართველოს პრეზიდენტის ბრძანებულების თანახმად, ეროვნული მნიშვნელობის კულტურის უძრავი ძეგლის სტატუსი მიენიჭა.