დადიანების სასახლე დღეისათვის მუზეუმს წარმოადგენს და სამეგრელოს სასახლე-კომპლექსშია მოთავსებული (დედოფლის სასახლე, ნიკოსეული სასახლე, მთავრისეული ტაძარი და სასახლესთან არსებული დეკორატიული ბაღი). დედოფლისეული სასახლე XIX ს –ის 60-იან წლებშია გადაკეთებული გერმანელი არქიტექტორის, რაისის მიერ, მანამდე ის სამეგრელოს მთავრის, დავითის დის, პუპის სასახლე იყო. ნიკოსეული სასახლე XIX ს-ის 80-იან წლებშია აგებული რუსი არქიტექტორის, ლეონიდ ვასილიევის მიერ. რაც შეეხება მუზეუმს, ის დაარსდა 1921 წელს სამეგრელოს მთავრის, დავით ლევანის ძე დადიანის ძველ ნივთთა საცავ –საგანძურისა და სამეგრელოს ეკლესია–მონასტრებიდან გადმოტანილი ქართულ სიძველეთა ბაზაზე.

იცოდით თუ არა, რომ...

1. დადიანების სასახლეში განთავსებული საქართველოში ყველაზე დიდი სამეჯლისო დარბაზი.

2. ზუგდიდის დადიანების სასახლეთა ისტორიულ-არქიტექტურულ მუზეუმში ინახება მსოფლიო მნიშვნელობის სამუზეუმო ექსპონატები და რელიგიური სიწმინდეები.

3. მუზეუმის იშვიათ ექსპონატთა შორის განსაკუთრებულია ნაპოლეონ I-ის (1769–1821) ბრინჯაოს ნიღაბი, რომელიც ჩამოასხმევინა ანატომიის პროფესორმა, ფრანჩესკო ანტომარკმა პარიზში, 1833 წელს.

4. მუზეუმში არის არაჩვეულებრივი სამხედრო არქივი – რუსეთის საიმპერატორო კარის არქივი და სამხედრო კანცელარია, მასალები რუსეთ-საქართველოს ურთიერთობის შესახებ (XIX საუკუნის დასაწყისი), რომლებსაც დიდი მნიშვნელობა აქვს საქართველოს სოციალურ-ეკონიმიკური და პოლიტიკური ისტორიის შესასწავლად.

5. მუზეუმის გარშემო მდებარეობს სამეგრელოს მთავარ დადიანთა მიერ 67 ჰექტარზე გაშენებული ტყე-პარკი, სადაც მსოფლიოს სხვადასხვა კუთხიდან ჩამოტანილ, უნიკალურ და მრავალწლიან ხეებს შეხვდებით.